Kuyumcuzâde Ahmed Efendi

Müstakimzâde Süleyman Sâdeddin, Tuhfe-i Hattatin

Üsküdarî’dir. Kuyumcuzâde derler. Belde-i mezbûrede Vâlide Sultân Câmi’-i Cedîdi’nde ser-mü’ezzinân-ı mûsîkî-âşinâ olup hüsn-i hatta dahi Şekercizâde Seyyid Mehmed Efendi’den telemmüz ile hüsn-i amel-i sülüs ü neshi bir kâlıb-ı matbû’a ifrâğ ile me’zûn-ı vaz’-ı ketebe ve ulûm-ı nâhada dahi sebîke-i tab’-ı â’lîleri dârü’l-ayâr-ı ehl-i kemâlde izhâr-ı hulûs ile vaktimizde bülend-mertebe olmuştur. Hâlâ Câmi’-i Cedîd-i Mihrişâh Sultân’da ta’lîm-i sıbyâna dahi me’mûr oldu. Târîh-i rıhleti “Ahmed hâtemü’d-dîn” (1189) vâki’ olmuştur.